Sirië: Bid vir ons pogings om kerke en gelowiges regoor die land met Bybels en studiehulpmiddels toe te rus. Na jare van konflik en natuurrampe is Siriërs geestelik uitgemergel en ons poog om deur hierdie bediening hoop, vernuwing en leiding deur God se Woord te bring.
Jordanië: Bid vir ons 30.60.100-projek, wat poog om deur middel van Bybelprogramme dissipelskap onder kinders en jongmense, wat meer as die helfte van die bevolking uitmaak, te bevorder. Bid dat God se Woord in jong lewens sal posvat en dat hulle geloof, identiteit en getuienis so sal versterk.
Libanon: Bid vir ons land en sy mense te midde van die toenemende geweld en verplasings weens voortslepende aanvalle. Dank die Here dat die Bybelgenootskap se personeel en vennote veilig is. Bid veral dat ons kinders en jongmense wat bevrees en onseker is, vertroosting en hoop in God se teenwoordigheid en die Kerk se ondersteuning sal vind.
Laai die volledige kwartaallikse gebedsgids in PDF-formaat af.
