Met Erfenisdag wat op 24 September gedenk word kry Suid-Afrikaners die geleentheid om ons ryk en veelsydige kulture, tale en stories – wat die fondasie van ons eklektiese nasie vorm – te vier. Dié dag is ook simbolies van talle bybelse temas, wat veral tot die diversiteit en belangrikheid van gemeenskappe spreek. In Genesis lees ons hoe die skepping van die mensdom vorm gee aan die goddelike plan vir diversiteit. Daar is spesifieke Bybelverse wat ons herinner dat alle God alle mense geskape het na Sy beeld. Elke kultuur, taal en erfenis bevat dus ’n unieke aspek van hierdie goddelike beeld.

Ds Dirk Gevers, die Uitvoerende Hoof van die Bybelgenootskap van Suid-Afrika (BSA) is as die nuwe Direkteur-generaal van die Wêreldbond van Bybelgenootskappe (WBG) aangewys. Die WBG is ʼn wêreldwye netwerk van Bybelgenootskappe wat in meer as 240 lande en gebiede werksaam is, en hy volg Michael Perreau op na die se aftrede later vanjaar. Hy is die eerste ampsdraer van ’n Bybelgenootskap in Afrika om hierdie rol te beklee.

Die twee susters, Lynsey en Suzann Knoetze, was vasberade om “hulself te vind” op ‘n onlangse vakansie maar ontdek toe opnuut die Bybel. Dit het hulle lewens verander en nou wil hulle help om die lewens van mense regoor Afrika ook te verander. “Terwyl ons die Bybel bestudeer het, het iets net in my kop geskuif. Ek het besef dit is wat in my lewe ontbreek het. Ek het hierdie oorweldigende gevoel gehad dat almal hiervan moet weet. Die Woord moes net eenvoudig uit!” onthou Lynsey opgewonde.

Dit is weer tyd vir die Word Riders-toer wanneer motorfietsryers die lang pad vat vir Bybels. Vanjaar se toer is deur die suidelike deel van die Oos-Kaap. ‘n Groep van 59 mense wat 37 motorfietse insluit het op 7 April vanaf Port Elizabeth vertrek. Die toer is ter ondersteuning van die Bybelgenootskap se projek Bybels vir Graad 7-leerders. Die dorpe wat die groep sal besoek is Jeffreysbaai, Humansdorp, Willowmore, Uniondale, Aberdeen en Graaff-Reinet.