In Die Nuus

Daar bestaan ’n diep, maar dikwels ongesiene nood binne die Suid-Afrikaanse Dowegemeenskap: toegang tot die Woord van God op ’n manier wat werklik verstaanbaar is. Vir horendes is die Bybel dikwels vanselfsprekend, maar vir diegene wat doof gebore is, voel tradisionele Bybelvertalings soos ’n vreemde taal – gevul met idiome en uitdrukkings wat hulle nie verstaan nie. Hierdie werklikheid is die motivering vir die Bybelgenootskap se Die Woord binne die Stilte-veldtog.

Eenhonderd jaar gelede het Afrikaans amptelik erkenning as ’n volwaardige taal ontvang. Minder as ‘n dekade later, op 27 Augustus 1933, is nog ‘n belangrike mylpaal bereik: die eerste volledige Bybel in Afrikaans is op daardie dag amptelik in ontvangs geneem. Hierdie gebeurtenis het Afrikaanssprekende Christene nuwe hoop en ‘n eie stem in hulle geloofslewe gegee.

Op Nasionale Vrouedag bring Suid-Afrika hulde aan die vreeslose vroue van 1956 wat teen ongeregtigheid opgestaan het. Maar moedigheid is nie beperk tot die strate van die verlede nie – soms wandel dit deur die woonbuurte van Kaapstad met ’n sak vol evangelieboekies en ’n hart vol liefde. Marietjie Bowers is só ’n moedige vrou. Op die ouderdom van 78 jaar verkondig sy steeds die liefde van Jesus op straat – by verkeersligte, in toue by die winkels, onder werkloses buite die arbeidskantoor en selfs vanaf ’n perdekar.

Ons vier vandag Hemelvaartdag en binnekort Pinkstersondag. Dit gee ons weer ’n geleentheid om ons blik te verskuif van die choas rondom ons en ons oë na die hemel te rig. Om weer herinner te word aan die ewige waarhede wat alles wat om ons gebeur, in ’n nuwe lig stel. In 1 Petrus 1:3-5 herinner die apostel ons aan ’n lewende hoop – ’n hoop wat nie gewortel is in wensdenkery of naïewe optimisme nie, maar eerder ’n onwrikbare hoop gegrond in wat Jesus reeds gedoen het en waar hy nou is. 

Wanneer ’n taal verdwyn, verdwyn ’n unieke wêreldbeskouing, eeue se kulturele geheue, asook ’n lewende verbintenis tussen geslagte. Bybelvertalings bied meer as net geestelike voeding – dit skep ’n grondteks wat die taal in sy geskrewe vorm anker, moedig geletterdheid aan, en skep trots by gemeenskappe wat dikwels onder sosiale en kulturele druk verkeer om hul moedertaal agterweë te laat.

Die verskyning van die eerste volledige Bybel in Afrikaans meer as 90 jaar gelede was ’n gebeurtenis waarvan die betekenis soveel verder gestrek het. Dit was ’n bevestiging van Afrikaans as ’n volwaardige en funksionele taal. Wie sou kon voorsien watter belangrike rol die Bybel in ons eie taal sou speel in die uitbouing en bevordering van Afrikaans.